काठमाडौँ ।
त्रिभुवन अन्तर्राष्ट्रिय विमानस्थलबाट गएराती सुनसहित क्यानडाका एक नागरिक पक्राउ परेका छन् ।
९ किलो सुनसहित क्यानडाका ३५ वर्षीय मोहम्मद कमल माहगोब पक्राउ परेका हुन् । दुबईबाट सुन लिएर आएका माहगोबलाई विमानस्थलमा चेकजाँचको क्रममा गएराती १२ बजे नियन्त्रणमा लिइएको भन्सार विभागका महानिर्देशक चक्र बहादुर बुढाले जानकारी दिएका छन् ।
उनी फ्लाई दुबईको एफ–२५७३ विमान मार्फत काठमाडौँमा ओर्लिएका हुन् । माहगोव पहिलोपटक नेपाल आएको बताइएको छ ।
