काठमाडौँ ।
जनमत पार्टीको केन्द्रीय सचिवालय बैठक आइतबार बस्ने भएको छ । पार्टीको समसामयीक विषय तथा अध्यक्ष सिके राउतको अमेरिका भ्रमणलगायतको विषयमा ब्रिफिङ हुने बताइएको छ । जनमत पार्टी मिसन ८४ सञ्चालन गरिरहेको छ ।
पार्टीले मिसनका लागि गरिरहेको गतिविधिलगायतको विषयमा पनि छलफल हुने बताइएको छ ।
पार्टीका सचिवालय सदस्य एवं प्रवक्ता डा।शरतसिंह यादवले सचिवालयको यो नियमित बैठक रहेको बताए । प्रत्येक आइतवार सचिवालको बैठक बस्ने गरेको र बैठकमा विभिन्न समसामयिक विषयमा छलफल हुने उनको भनाइ छ ।
