कैलाली ।
सुदूरपश्चिम प्रदेशमा सत्तारुढ गठबन्धनबीच भागबण्डा मिलेको छ । यससँगै मुख्यमन्त्री कमलबहादुर शाहले मन्त्रिपरिषद विस्तारको तयारी गरेका छन् ।शाहले मन्त्री नियुक्त गरेर आजै शपथको तयारी गरेका छन् ।
भागबण्डाअनुसार गठबन्धनमा आवद्ध दल नेकपा माओवादी केन्द्र २, नेपाली कांग्रेसले थप एक र नागरिक उन्मुक्ति पार्टीले एक मन्त्रालय पाउने गरी सहमति जुटेको छ ।
सहमति जुटेसँगै माओवादी केन्द्रले मन्त्रीको नाम टुंगो लगाएको छ ।सामाजिक विकास र उद्योग पर्यटन वन तथा वातावरण मन्त्रीमा झपट साउद र रमेश धामीको नाम टुंगिएको माओवादी संसदीय दलका नेता खगराज भट्टले जानकारी दिएका छन् । उनका अनुसार गीता माललाई राज्यमन्त्री तयारी भइरहेको छ ।
धामी र साउदबीच समन्वय गरेर सामाजिक र पर्यटन मन्त्रालयमा पठाइने उनले जानकारी दिए ।
यस प्रति तपाइको धारणा के छ ?