प्रधानमन्त्रीको प्रतिबद्धता :‘हामीलाई छिमेकीको एक इन्च जमिन चाहिँदैन,हाम्रो पनि छाड्दैनौं’

काठमाडौं ।

प्रधानमन्त्री पुष्पकमल दाहाल ‘प्रचण्ड’ ले आज संसदमा उपस्थित भएर सांसदहरुको प्रश्नको जवाफ दिएका छन् । सांसदको प्रश्नको जवाफ दिदैं प्रधानमन्त्री दाहालले भारतसँग सीमा समस्या समाधानका लागि पहल गर्ने बताएका छन् ।

सदनमा सांसद रघु पन्तले प्रधानमन्त्रीको भारत भ्रमणको बारेमा प्रश्न उठाएपछि उनले यस्तो बताएका हुन् ।उनले भने, ‘ईपीजी रिपोर्टदेखि लिएर सीमा समस्यासँग सम्बन्धी विषयमा हामीले हाम्रो एक इन्च जमिन छाड्न सक्दैनौं । हामीलाई छिमेकीको एक इन्च जमिन पनि चाहिँदैन । नेपालका सबै राजनीति दल र सदन एकमत छौं ।’

नेपालको राष्ट्रिय हित, एकता र सार्वभौम अखण्डता र स्वाधीनतामा कुनै सम्झौता नगर्ने उनले बताए ।