पोखरा ।
पोखरेली युवा सांस्कृतिक परिवारको अगुवाइमा कलाकार दुर्गा बराल वात्स्यायनको आज नागरिक अभिनन्दन तथा रथारोहण गरिएको छ । बरालले चित्रकारितालाई अति यर्थाथवादी धारमा रहेर गरेको अतुलनीय योगदानको कदरस्वरुप रथारोहणसहित नागरिक अभिनन्दन गरिएको हो ।
बराललाई दोसल्ला, ताम्रापत्र र उनका छापिएका कृतिहरु उपहार दिइएको थियो ।
चैत ४ अर्थात आज ८० वर्ष पूरा गरी ८१ वर्ष प्रवेश गरेको दिन बराललाई अभिनन्दनको साइत जुराइएको हो । । अभिनन्दन कार्यक्रम पोखराका साहित्यिक र वाङ्मयिक संस्थाहरुले बराललाई संयुक्त रुपमा अभिनन्दन गरेका हुन् ।
बरालको निवास पोखरा ३ नदीपुरबाट सुरु भई पृथ्वी नारायाण क्याम्पस, ट्याक्सी चोक हुदैँ विन्ध्यवासिनी मन्दिर परिसरसम्म बराललाई रथारोहण गरिएको थियो । भने मन्दिरको सभाकक्षमा अभिनन्नद कार्यक्रम गरिएको थियो ।
बरालले वात्स्यायनका नाममार्फत व्यङ्ग्यचित्रका माध्यमबाट नेपाली समाज र राजनीतिक विकृति, विसङ्गति केलाउँदै व्यङ्ग्य चित्रकारितामा सर्वोच्च रुपमा आफूलाई उभ्याएका छन् ।
नेपालको प्रख्यात प्रवल गोरखा दक्षिण बाहू चौंथो लगायत दर्जन बढी पुरस्कारबाट बराल सम्मानित भइसेका छन् ।
यस प्रति तपाइको धारणा के छ ?