पोखरा ।
नेपाली भाषा शिक्षक परिषद् कास्कीको अध्यक्षमा डिल्लीराम अर्याल निर्वाचित भएका छन् । परिषद्को १३ औं वार्षिक साधारण सभा तथा सातौँ अधिवेशनले अर्यालको अध्यक्षतामा १६ सदस्यीय नयाँ कार्य समिति निर्वाचित गरेको हो ।
परिषद्को वरिष्ठ उपाध्यक्षमा सूर्यप्रसाद लम्साल, उपाध्यक्षमा विक्रम पौडेल, महासचिवमा शिवहरि सुवेदी, सचिव नारायणप्रसाद पराजुली र कोषाध्यक्षमा इन्दिरा सुवेदी निर्वाचित भएका छन् ।
सदस्यमा विष्णुप्रसाद पौडेल, पार्वती खनाल, पोष्टराज सुवेदी, हरिप्रसाद शर्मा, प्रेमनारायण ढकाल, सावित्री पौडेल बराल, सावित्री पहारी, प्रदीप पोख्रेल , भावना लामिछाने र झलक पौडेल निर्वाचित निर्वाचित भएका छन् ।
यसअघि साधारणसभा एवं अधिवेशनको उद्घाटन गर्दै नेपाल नाट्य तथा सङ्गीत प्रज्ञा प्रतिष्ठानका पूर्व कुलपति प्राज्ञ सरुभक्त नेपाली भाषाको एकरूपताका लागि भाषाविज्ञहरूका बिचमा गम्भीर छलफल हुनुपर्ने धारणा राखे । भाषाविद् मुकुन्दशरण उपाध्यायले भाषामा वैज्ञानिकताको खोजी गर्नुपर्ने विचार व्यक्त गरे ।
कार्यक्रममा सल्लाहकार डा.यामनाथ तिमिल्सिना ,डा. पुण्यप्रसाद पौडेल, माधवशरण उपाध्याय, बोधराज ढकाल, डोलराज अर्याल, युनिप्स नेपालका अध्यक्ष सन्तबहादुर गुरुङ, गणित शिक्षक परिषद्का अध्यक्ष डिल्लीराम अधिकारी, विज्ञान विषय समाजका अध्यक्ष शान्ताराम लामिछाने, जिल्ला शाखा पर्वतका अध्यक्ष सन्तोष पौडेल लगायतले शुभकामना मन्तव्य राखेका थिए।
सो अवसरमा नेपाली भाषा तथा साहित्यमा महत्त्वपूर्ण योगदान पुर्याउने वरिष्ठ भाषाविद् मुकुन्दशरण उपाध्याय र परिषद्का सल्लाहकार एवम् पूर्व अध्यक्ष डोलराज अर्याल सम्मान गरिएको थियो ।
यस प्रति तपाइको धारणा के छ ?