पोखरा ।
जिल्ला समन्वय समिति कास्कीले आर्थिक वर्ष २०७८/२०७९ को कास्कीका पालिकाहरूको वित्तीय सुशासन जोखिम मूल्यांकन (एफआरए)को नतिजा सार्वजनिक गरेको छ।
जसअनुसार अन्नपूर्ण गाउँपालिकाले ७०,रुपागाउँपलिकाले ६४.५ ,माछापुच्छ्रे गाउँपालिकाले ५४, मादी गाउँपालिकाले ५३ र पोखरा महानगरपालिकाले ४३ अंक प्राप्त गरेका छ्न।
सोमबार एक विशेष कार्यक्रमको आयोजना गरि सो नतिजा सार्वजनिक गरिएको हो ।सो मुल्यांकनको कार्यविधी अनुसार विभिन्न ११८ वटा सुचकलाइ आधार बनाएर कुल १०० पुर्णाकंमा मुल्यांकन गर्ने गर्दछ।
सार्वजनिकिकरण कार्यक्रम लगत्तै आयोजित समिक्षा कार्यक्रममा जिल्ला समन्वय समिती कास्कीका प्रमुख लिलाधर पौडेलले नेपालमा नै पहिलो पटक औपचारिक कार्यक्रम आयोजना गरेर नतिजा सार्वजनिक गरिएको भन्दै सबै क्षेत्रमा कास्कीका पालिकाहरूको कार्य सम्पादनको स्तर वृद्धिमा ध्यान केन्द्रित गर्न आग्रह गरे।
पौडेलले समृद्ध कास्कीका लागि सबै राजनितीक दल ,जनप्रतिनिधि र कर्मचारीहरूको बराबर भुमिका रहने हुँदा युद्धस्तरमा वित्तीय सुशासनका काममा खटिन आग्रह गरे ।
यस प्रति तपाइको धारणा के छ ?