काठमाडौं ।
एनएसजेएफ पल्सर स्पोर्टस् अवार्ड अन्तर्गत उत्कृष्ट युवा खेलाडीको अवार्ड मनिष डाँगीले पाएका छन् ।
२०७८ को वर्ष युवा खेलाडीको मनोनयनमा डाँगीसहित बक्सिङका छिरिङ वाङ्दी शेर्पा, ब्याडमिन्टनकी रसिला महर्जन, फुटबलकी प्रीति राई र भलिबलकी उषा भण्डारी परेका थिए ।
उनीहरुलाई पछि पार्दै अवार्ड जितेका डाँगीले पल्सर मोटरसाइकल पुरस्कार पाएका छन् ।मछिन्द्र एफसीलाई ए डिभिजन लिगको उपाधि जिताएका डाँगीले विश्वकप छनोटमा इराकविरुद्ध गोल गरेका थिए ।
यस्तै उनले साफ च्याम्पियनिसपको उदघाटन खेलमा आयोजक माल्दिभ्सविरुद्ध पनि गोल गरेका थिए ।
यस प्रति तपाइको धारणा के छ ?