पोखरा ।
जिल्ला प्रशासन कार्यालय कास्कीले होलिको नाममा भोलि उच्छृङल गतिविधि गरे कारबाही हुने चेतावनी दिएको छ।
रङको माध्यमबाट एक अर्कामा खुशी साटासाट गर्ने पर्व भएको भन्दै अवाञ्छित हर्कत गरे कारबाही हुने बताउँदै सभ्य तरिकाले होलि मनाउन जिप्रकाले कास्कीबासीलाई आग्रह गरेको छ।
जिप्रकाले आज एक सूचना प्रकाशन गर्दै इच्छा विपरित जथाभावी रङ दल्ने, लोला हान्ने, बाटोमा ढुकेर बटुवालाई रङ लगाउने , बाटो अवरोध गरी सवारी साधनहरुबाट पैसा असुल्ने जस्ता सार्वजनिक स्थानमा होहल्ला गरी शान्ति र व्वस्थामा खलल पुर्याउने गतिविधि गरेको पाइए कानुन अनुसार कारबाही गर्ने बताएको छ ।
जिप्रकाले फागु पूर्णिमाको अवसरमा सम्पूर्ण कास्कीबासीमा शुभकामना पनि व्यक्त गरेको छ ।
यस प्रति तपाइको धारणा के छ ?