काठमाडौं
। अभिनेता पल शाह आज जेलबाट छुटेका छन् । बलात्कारको आरोप लागेपछि शाह ठीक एक वर्षअघि फागुन १५ मा तनहुँ पुगेर प्रहरीसमक्ष आत्मसमर्पण गरेका थिए । शाहमाथि अभियोग दाबी नपुग्ने ठहरसहित उच्च अदालत पोखराले उनलाई आइतबार सफाइ दिएको थियो । अदालतको उक्त आदेशसँगै पल जेलमुक्त भएका हुन् ।
सोमबार बिहान तनहुँ कारागारको गेटमा पलको स्वागतका लागि समर्थकको भीड लागेको थियो । उनीहरूले ‘पल शाह हाइहाइ’, ‘पललाई न्याय भयो’ भन्दै नाराबाजी गरेका थिए ।जेलमुक्त हुदैं पलले कठिन समयमा साथ दिने सम्पूर्णमा धन्यवाद ज्ञापन गरे ।
पललाई बधाई दिन तनहुँ प्रहरी प्रमुख डीएसपी अवदेश विष्ट जेलमै पुगेका थिए । डीएसपी विष्टले पललाई बधाईसहित हात मिलाएर स्वागत गरे ।
बलात्कारको अभियोग दर्ता भएपनि नवलपुर जिल्ला अदालतले बाल यौन दुर्व्यवहारमा दोषी ठहर गरेको थियो । तनहुँ जिल्ला अदालतले भने शाहलाई निर्दोष ठहर गरेको थियो । एउटै व्यक्तिले शाहविरुद्ध दुईवटा जिल्लामा बलात्कारको उजुरी दिएकी थिइन् ।
प्रहरीमा बलात्कारको उजुरी दिएकी जाहेरवालाले अदालतमा भने उजुरी झुटो भएको बकपत्र गरेकी थिइन् ।
यस प्रति तपाइको धारणा के छ ?