पोखरा ।
वडा प्रहरी कार्यालय बैदाम, पोखराले लागु औषध संकलन र बेचबिखन गर्ने तीन जनालाई पक्राउ गरेको छ । पक्राउ पर्नेमा संजय गुरुङ, पवन थापा र अनिष गुरुङ रहेको वडा प्रहरी कार्यालय बैदामका प्रमुख वेद जोशीले जानकारी दिए ।
पोखरा महानगरपालिका–५ मालेपाटन बस्ने संजय गुरुङलाई लागु औषध बेचबिखनको आरोपमा यही फागुन ५ गते पक्राउ गरिएको बैदाम प्रहरी प्रमुख वेद जोसीले जानकारी दिए । गुरुङको घरमा कोठा खानतलासी गर्दा डाईजापाम २० एम्पुल, फेनगरगन २३ एम्पुल, बुप्रिनफ्रिन २९ एम्पुल बरामल भएको जोसीले बताए ।
गुरुङले बरामद गरेको लागु औषध पबन थापासंग किनिको भन्ने सूचना दिए पछि थापा पनि पक्राउ गरेका छन् । गुरुङले दिएको सूचनाको आधारमा थापालाई पोखरा २५ हेम्जाबाट पक्राउ गरिएको र उनको साथबाट डाईजापाम ७ एम्पुल, फेनारगन ७ एम्पुल, नुफिन ७ एम्पुल गरी २१ एम्पुल र हिरोईन जस्तो देखिने सेतो धुलो पर्दार्थ ०.४० मि.ग्रा समेत बरामद भएको प्रहरीले जनाएको छ ।
थापासगै संकास्पद गतिबिधिमा संलग्न रहेका अनिष श्रेष्ठलाई समेत प्रहरीले पक्राउ गरेको छ । श्रेष्ठको साथमा डाईजापाम ३४ एम्पुल, फेनारगन ३४ एम्पुल, नुफिन ३४ एम्पुल गरी जम्मा १०२ एम्पुल बरामद गरिएको प्रहरीले जनाएको छ।
यस प्रति तपाइको धारणा के छ ?