पोखरा ।
पूर्वी एसियन मेडिकल स्टुडेन्ट कन्फेरेन्स नेपालमा सम्पन्न भएको छ । माघ १३ देखि १७ गतेसम्म संचालित कन्फेरेन्सलाई एसियन मेडिकल स्टुडेन्ट एशोसियसन (अम्सा नेपाल) ले आयोजना गरेको हो ।
कार्यक्रममा भारत, हङकङ, मलेसिया, सिङ्गाापुर, थाइल्याण्ड, इन्डोनेशिया, टाइवान, जापान, फिलिपिन्स, कोरिया र नेपाल गरी ११ मुलकबाट १३५ विदेशी मेडिकल विद्यार्थीहरुको उपस्थिति थियो ।
२०१८ मा पहिलो पटक नेपालमा डा.सन्तोष उपाध्यायको अध्यक्षतामा गरिएको कार्यक्रम नेपालका लागि दोस्रो कार्यक्रम हो । यस वर्षको विषय ‘Mountain And Wilderness MedicineÚ’ भनेर उल्लेख गरिएको थियो ।
शुभारम्भ कार्यक्रममा चिकित्सा शिक्षा आयोगका उपाध्यक्ष कृष्ण गिरीले उदघाटन गरेका थिए । साइन्टीफिक पेपर र साइन्टीफिक पोस्टर प्रतियोगिताको समेत आयोजना गरिएको थियो ।
जसमा निणार्यकका रुपमा डा.महेश सिग्देल, डा.रन्जित शाह, डा.पलेशवान जोशी, डा.मोहन शर्मा र डा. सन्तोष बानिया थिए । प्रतियोगितामा सातवटा उत्कृष्ट पेपर र पोस्टरको बारेमा विद्यार्थीहरुले प्रस्तुती दिएका थिए । जसमा पेपर अन्तर्गत एएमएसए थाइल्याण्ड र पोष्टर अन्तर्गत एएमएसए हङकङले उपाधि जितेका छन् ।
पाँच दिनसम्म संचालित कार्यक्रमको तेस्रो दिन पार्क भिलेज रिर्सोट बुढानिलकण्ठ देखि विपासना केन्द्रसम्म हाइकिङ गरिएको थियो । उक्त समय विद्यार्थीहरुले बाटोमा देखिएका फोहोरलाई व्यवस्थापन समेत गरेका थिए । विपासना केन्द्रमा करिव दुई घण्टाको तपस्या पछि काठमाडौं दरबार, पाटन दरबार, बौद्ध स्तुपा, स्वयम्भू घुम्न विद्यार्थीलाई लगिएको थियो ।
जसमा विदेशीलाई नेपालको कला, संस्कृतिका विषयमा जानकारी गराउने उद्देश्य रहेको समेत आयोजकले जानकारी गरायो ।
कार्यक्रमको चौथो दिन हरेक देशले आफ्नो भाषा, संस्कृति झल्काउने पोशाक र सामानहरु प्रदर्शन गरेका थिए । जसमा नृत्य, गायन समेत प्रस्तुत गरिएको थियो ।
उक्त दिन फोटोग्राफी प्रतियोगिताको समेत आयोजना गरियो । जसमा टाइवान विजयी बन्यो ।कार्यक्रममा एएमएसए इन्टरनेश्नलका अध्यक्ष माइकल अतिफ जफिर असौर्यको सहभागिता थियो । आगामी कन्फेरेन्स टाइवानमा हुने भएको छ ।
यस प्रति तपाइको धारणा के छ ?