काठमाडौं ।
नेपाल राष्ट्र बैंकले ‘विप्रेषण विनियमावली, २०७९’ जारी गरेको छ । राष्ट्र बैंकले ‘नेपाल राष्ट्र बैंक विप्रेषण विनियमावली, २०६७’ लाई खारेज गरी ‘नेपाल राष्ट्र बैंक विप्रेषण विनियमावली २०७९’ जारी गरेको हो ।
राष्ट्र बैंकको विदेशी विनिमय व्यवस्थापन विभागले नयाँ नियमावली बमोजिम गर्न गराउनको विप्रेषण कारोबार गर्ने सम्पूर्ण कम्पनीलाई निर्देशन दिएको छ ।
नेपाल राष्ट्र बैंक ऐन, २०५८ को दफा ११० को उपदफा २ र विदेशी विनिमय (नियमित गर्ने) ऐन, २०१९ को दफा १२ ले दिएको अधिकार प्रयोग गरी ‘नेपाल राष्ट्र बैंक विप्रेषण विनियमावली, २०७९’ जारी गरिएको विभागले उल्लेख गरेको छ ।
नयाँ नियमावलीसँगै विप्रेषण कम्पनीले पनि सर्वसाधारणमा आईपीओ जारी गर्न सक्ने भएका छन् । विप्रेषण कम्पनीले प्रचलित कानुनी व्यवस्थाको अधिनमा रही पब्लिक लिमिटेड कम्पनीका रूपमा सर्वसाधारणलाई सेयर जारी गर्न सक्ने गरी विनियमावली आएको हो । आजको राजधानी दैनिकबाट
यस प्रति तपाइको धारणा के छ ?