पोखरा ।
गएराती पोखरामा भएको दुर्घटनामा घाईते भएका दुई मध्ये एकको ज्यान गएको छ।
पोखरा २५ हेम्जाको हनुमान टोलमा गएराती ८ बजे भएको उक्त दुर्घटनामा तनहुँ व्यास नगरपालिका १ का ५० वर्षीय बलबहादुर राईको ज्यान गएको जिल्ला प्रहरी कार्यालय कास्कीले जानकारी दिएको छ ।
नौडाँडाबाट पोखरातर्फ आउँदै गरेको ग २२ प ५३७० नम्बरको स्कुटर सडकको डिभाइडरमा ठोक्किँदा उक्त दुर्घटना भएको हो । स्कुटर चालक राईको १५ वर्षीय छोरी सोनी राई गम्भीर घाईते भएकी छिन् ।
दुर्घटनामा घाइते दुवैलाई उपचारको निम्ति फिस्टेल अस्पताल लगिएको थियो । चालक राईको उपचारकै क्रममा मृत्यु भएको हो । सोनीको सोही अस्पतालमा उपचार भइरहेको छ ।
