वीरगञ्ज ।
पर्सामा मोटरसाइकलको ठक्करबट एक पैदलयात्रीको मृत्यु भएको छ ।
आइतबार राति पटेर्वासुगौली गाउँपालिका–१ स्थित सडकमा प्रदेश २–०३–२१ प ९३०० नम्बरको मोटरसाइकलले पैदलयात्री ४५ वर्षकी फुलमती देवी खातुनलाई ठक्कर दिँदा उनको मृत्यु भएको हो ।
मोटरसाइकलको ठक्करबाट महिला गम्भीर घाइते भएको खबर पाएपछि ईलाका प्रहरी कार्यालय पटेर्वासुगौलीबाट प्रहरी टोली खटिएको थियो । घाइते खातुनलाई तत्कालै उद्दार गरी उपचारको लागि वीरगञ्जको नारायणी अस्पताल ल्याइएको थियो ।
उपचारकै क्रममा आइतबार राति साढे ११ बजे उनको मृत्यु भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक गिरीले जानकारी दिए । प्रहरीले चालक पटेर्वासुगौली–१ का ३५ वर्षीय मनोज कुमार यादवलाई पक्राउ गरेको छ ।