सिराहा ।
लहान नगरपालिका– ६ श्रीराम कोलोनीस्थित भाडाको घरमा सञ्चालन गरिएको होस्टेलमा बस्दै आएका विद्यार्थीको शव झुन्डिएको अवस्थामा भेटिएको छ।

लहानस्थित जेएस मुरारका बहुमुखी क्याम्पसमा विज्ञान विषय लिएर कक्षा १२ मा पढ्दै आएका राजन पासवानको शव सोमबार बिहान होस्टेलमै झुन्डिएको अवस्थामा भेटिएको हो।

उनी करिब १० महिनादेखि होस्टेलमा बस्दै आएका थिए। पासवान सप्तरीको कल्याणपुर नगरपालिका– ७ कल्याणपुरका अशोक पासवानका जेठा छोरा हुन्। पढाइमा अब्बल रहेकाले हत्या गरेर झुन्ड्याइएको हुन सक्ने मृतक राजनका ठूलोबुबा विलेक्षण पासवानको आशंका छ।

इलाका प्रहरी कार्यालय लहानका निमित्त प्रमुख प्रहरी नायव उपरीक्षक कोमल ठाकुरका अनुसार घटनास्थलको मुचुल्का उठाई शव पोस्टमार्टमका लागि पठाउने तयारी भइरहेको छ।