पोखरा ।
पोखरा महानगरपालिका २८ कालिका कोलाकोपाट, बिमिरापानीमा रहेको त्रिलोकेश्वर शिव मन्दिर पुनः निर्माणको लागी स्वर्गीय आमा पार्वती पौडेलको स्मृतिमा छोराहरु विष्णु प्रसाद पौडेल,मनोहरि पौडेलले तथा श्रीमान दुर्गा प्रसाद पौडेलले एक लाख एघार हजार एक सय एघार रुपिया सयोग गरेका छन् ।
स्थायी घर पोखरा महानगरपालिका २८ बिमिरापानी हाल पोखरा १२ सितलादेबी निवासी बुवा दुर्गा प्रसाद पौडेल यस मन्दिरका संरक्षक तथा सल्लाहकार रहेका छन् भने मनोहरि पौडेल मन्दिर समितिका अध्यक्ष रहेका छन् ।
हाल अमेरिकाको न्युयोर्कमा रहेका विष्णु पौडेल सामाजिक तथा पत्रकारिता क्षेत्रमा चर्चित रहेका छन् । नेपालय न्युज डट कमका प्रधान सम्पादक रहेका पौडेल एनआरएन अमेरिका, जनसम्पर्क समिति अमेरिका, नेपाल अमेरिका पत्रकार संघ ९नेजा० कस्केली समाज अमेरिका लगाएत विभिन्न सामाजिक संघ संस्थाहरुमा आवद्ध रहेका छन् ।
पोखरा महानगरपालिका २८ कालिका बिमिरापानीमा रहेको त्रिलोकेश्वर शिव मन्दिर पुनः निर्माणको लागी स्वर्गीय आमाको सम्झनामा सयोग गर्न पाएको आफुलाई सन्तुष्टी मिलेको बताउदै पौडेल दाजुभाईले आफुहरु सानै हुदा आमालाई गुमाएको र बुवाले दुःखपुर्ण तरिकाले हुर्काएर आज यहासम्म पु¥याएकोमा बुवा दुर्गा प्रसाद पौडेललाई सम्मान गर्दै स्वर्गीय आमा पार्वती पौडेलको स्मृतिमा शिव मन्दिर पुनः निर्माणमा सयोग गरेको बताए ।
पुष १४ गते स्वर्गीय आमा पार्वती पौडेलको पुण्यतिथिको अवसरमा सयोग गर्न पाएकोमा खुशी लागेको बताउदै अमेरिका रहेका छोरा विष्णु पौडेलले आफ्नो जन्म भुमिलाई कहिले पनि भुल्न नसकिने बताउदै आफ्नो जन्म भुमिमा थारै भए पनि सयोग गर्न पाएकोमा सन्तुष्टी मिलेको बताए । शिव मन्दिर पुनः निर्माणमा बुवा दुर्गा प्रसाद पौडेल तथा छोराहरु विष्णु पौडेल मनोहरि पौडेल लगाएत बुहारीहरु कमला पौडेल र गौरी पौडेलले समेत सयोग गरेको मन्दिर समितिले जनाएको छ ।
त्रिलोकेश्वर शिव मन्दिर पुनः निर्माणको लागी सुरुवातमा स्वर्गीय पिता शिव प्रसाद पौडेल तथा माता कुलकान्ती पौडेलको स्मृतिमा दुर्गा प्रसाद पौडेलले बिस हजार सयोग गरेकोमा बुवाको रकममा थप गरेर छोराहरु विष्णु प्रसाद पौडेल र मनोहरि पौडेलले स्वर्गीय आमा पार्वती पौडेलको स्मृतिमा एकानब्बे हजार एक सय एघार रुपिया थप गरेर एक लाख एघार हजार एक सय एघार रुपिया सयोग गरेका हुन् ।
पोखरा महानगरपालिका २८ कालिका कोलाकोपाट बिमीरापानीमा २०३७ सालमा स्थानिय समाजसेवी शिव प्रसाद पौडेलको अगुवाईमा स्थापना भएको त्रिलोकेश्वर शिव मन्दिर हाल अत्यन्त जिर्ण अबस्थामा रहेको र मन्दिरको संरक्षण समेत नभएको अवस्थामा हाल स्थानिय जनताको अग्रसरमा मन्दिरको समिति गठन भई मन्दिरको पुनःनिर्माणको काम भइरहेको छ । हाल स्वदेश तथा विदेशमा रहेका स्थानियवासीहरुले स्वतफुर्सद रुपमा आर्थिक सयोग गरीरहेका छन् ।
मन्दिरलाई पोखरा महानगरपालिका लगाएत यस क्षेत्रकै धार्मिक पर्यटकीय ठाँउको रुपमा विकास गर्ने उध्यश्य रहेकोले हाल शिव मन्दिर लगाएत मन्दिर परिसरमा रहेका पौवाहरुको पुनःनिर्माण गर्नेुकोे साथै मन्दिर परिसरमा पार्क तथा बर,पिपल चौतारी, खानीपानी धारा लगाएत अन्य संरचनाहरु निर्माण गर्नुेपर्ने भएकोले त्रिलोकेश्वर शिव मन्दिर सेवा समितिले बृहत गुरुयोजना बनाएर काम थालनी गर्न लागेको समितिले जनाएको छ ।
यस प्रति तपाइको धारणा के छ ?