काठमाडौं ।
नवनियुक्त प्रधानमन्त्री पुष्पकमल दाहाल प्रचण्डलाई पूर्व सहकर्मी डा. बाबुराम भट्टराईले भेटेरै बधाई दिएका छन् । आज बिहान खुमलटार पुगेर डा. भट्टराईले तेस्रो कार्यकाल सफलताको कामना व्यक्त गरे ।
पत्नी हिसिला यमीसहित खुमलटार पुगेका भट्टराईले अब जनक्रान्तिका उपलब्धि संस्थागत हुने विश्वास पनि व्यक्त गरे । भेटमा उनले प्रचण्डसामु सहकार्यको प्रस्ताव अघि सारेका छन् ।
प्रचण्डसँगको भेटपछि डा भट्टराईले लेखेका छन् ,‘क. प्रचण्ड तेस्रो कार्यकालका निम्ति देशको प्रधानमन्त्री बन्नुभएकोमा हार्दिक बधाई तथा पूर्ण सफलताको शुभकामना १ क्रान्तिको बाटो बांगोटिंगो र अनिश्चयले भरिपूर्ण भएकाले जीवनको अन्तिम कालखण्डमा हामीले सम्पन्न गरेको जनक्रान्तिका उपलब्धिहरू संस्थागत गर्दै देशलाई समृद्ध बनाउन सहकार्य गरौँ ।
यस प्रति तपाइको धारणा के छ ?