पोखरा ।
पोखरा क्षेत्रीय अन्तर्राष्ट्रिय विमानस्थलमा डेमो उडान सम्पन्न भएको छ ।
विमानस्थलमा आज यति एयरलाइन्सले पहिलो प्रदर्शन उडान सफलतापूर्वक सम्पन्न गरेको हो ।
एयरलाइन्सका प्रवक्ता सुदर्शन बर्तौलाले दिउँसो २ः१५ बजे पुरानो विमानस्थलबाट उडान भइ पोखरा क्षेत्रीय अन्तर्राष्ट्रिय विमानस्थलमा २ः२७ मा अवतरण भएको जानकारी दिए ।विमानस्थलमा बुद्ध एयरले पनि दिउँसो ३ः६ बजे विमानस्थलमा अवतरण गरेको छ ।
सरकारले अंग्रेजी नयाँ वर्ष २०२३ का दिन चिनियाँ कम्पनीले निर्माण गरेको पोखरा अन्तर्राष्ट्रिय विमानस्थलबाट उद्घाटनको तयारी गरेको छ ।
तर, हालसम्म अन्तर्राष्ट्रिय उडान गर्न कुनै पनि विदेशीले इच्छा प्रकट गरिसकेका छैनन् । नेपालको तेस्रो अन्तर्राष्ट्रिय विमानस्थलका रूपमा रहेको पोखरा अन्तर्राष्ट्रिय विमानस्थल करिब २० अर्ब रुपैयाँ लागतमा निर्माण भएको हो ।
यस प्रति तपाइको धारणा के छ ?