पोखरा ।
प्रधानमन्त्री एवं कांग्रेस सभापति शेरबहादुर देउवाले गठबन्धनमा शंका हुने काम नगर्न आग्रह गरेका छन् । पोखरामा भएको पाँचदलीय गठबन्धनको कार्यक्रमलाई सम्बोधन गदै देउवाले गठबन्धनमा समस्या ल्याउने काम कुनै पार्टीले गर्नु नहुने बताए ।
राजनीतिक पार्टीहरु अलगअलग पृष्ठभूमिबाट आएका बताउदै देउवाले युद्ध कालको स्मरण गरे । देउवाले हिजोका लडाइँका कारण होलान्, ती बितेका कुरा भए । राजनीतिमा कुनै पनि ठाउँमा समझदारी गर्नुपर्ने र बिसाउनुपर्ने आवश्यकता हुने बताए ।
उनले विगतका कुरा सम्झिएर काम नभएको भन्दै राजनीतिमा कुनै पनि ठाउामा समझदारी गर्नुपर्ने हुन सक्ने औंल्याए । केन्द्रमा गठबन्धनका शीर्ष नेताहरूको सम्बन्धजत्तिकै तलसम्म बनाउन कार्यकर्तालाई देउवाले निर्देशन दिए ।
हामी माथि माधवजी, प्रचण्डसँग कति राम्रो सम्बन्ध छ, तल पनि हुनुप¥यो । आपसमा सम्बन्ध बढाउने काममा लाग्न उनेले आग्रह गरे । गठबन्धन भए पछि सबैको पालो आउने देउवाले कार्यकर्तालाई आस्वासन दिए ।
यस प्रति तपाइको धारणा के छ ?