गण्डकीका मुख्यमन्त्री पोखरेललाई कोरोना संक्रमण

पोखरा ।

गण्डकी प्रदेशका मुख्यमन्त्री कृष्णचन्द्र नेपाली पोखरेललाई कोरोना संक्रमण भएको छ । सचिवालयको अनुसार उनलाई हिजो (मंगलबार) पीसीआर परीक्षण गरेकोमा कोरोना पुष्टी भएको हो ।

पोखरेल आइतबार देखि नै अस्वस्थ भएका थिए। रुघा र ज्वरो समेत आएपछि उनको पीसीआर परीक्षण गराइएको हो ।

उनलाई अहिले पनि ज्वरो आइरहेको छ । अक्सिजनको अवस्था सामान्य रहेको चिकित्सकले जनाएका छन् । उनी सरकारी निवासमै आराम गरिरहेको सचिवालय स्रोतले जनाएको छ ।