काठमाडौं ।
लोकदोहोरी गायिका दिलमाया सुनारको हत्या भएको निष्कर्ष निस्किएको छ । सुनारको मृत्यु प्रकरणमा प्रहरीले अनुसन्धान सकेको बताउँदै उनको आत्महत्या नभई हत्या भएको निष्कर्ष निस्किएको जनाएको छ।
प्रहरीले अनुसन्धान सकेर मंगलबार सरकारी वकिलको कार्यालय काठमाडौंमा पेश गरेको जिल्ला प्रहरी कार्यालयका प्रहरी उपरीक्षक दिनेशराज मैनालीले जानकारी दिए।
प्रहरीले यस घटनामा सिन्धुपाल्चोकको चौतारा साँगाचोकगढी नगरपालिका(१ घर भई काठमाडौंको गोठाटार बस्ने ३८ को सूर्य भन्ने खिलबहादुर श्रेष्ठले हत्या गरेको भन्दै प्रतिवेदन बुझाएको छ।
असार ११ गते शनिबार बिहान गायिका दिलमाया तार्केश्वर नगरपालिका-११ नेपालटारस्थित डेरामा मृत फेला परेकी थिइन्।सुरूमा दिलमायाले आत्महत्या गरेको आशंका गरिएको थियो।
यस प्रति तपाइको धारणा के छ ?