काठमाडौं ।
अर्थमन्त्री प्रकरणमा आज छानबिन गर्न गठित संसदीय विशेष समितिले हार्ड डिस्क अध्ययन गर्ने भएको छ ।
अनधिकृत व्यक्तिलाई बजेट निमार्णमा संलग्न गराएर करको दायरा हेरफेर गरेको भन्दै आलोचना भएपछि अर्थमन्त्री जर्नादन शर्माले राजीनामा दिएका थिए । उनी र यस विषयमा अनुसन्धान तीव्र बनेको छ ।
जेठ महिनाको फुटेज डिलिट भयो भनेर अर्थ मन्त्रालयले समितिलाई सीसीटीभी फुटेज दिन आनाकानी गरेपछि हार्ड डिस्क मगाएर समितिले अध्ययन गर्न लागेको हो ।
‘जेठ महिनाको सीसीटीभी फुटेजको हार्ड डिस्क मगाएका छौं । त्यो प्राप्त भयो भने प्रावधिक राखेर अध्ययन गर्नेछौं,’ समिति सदस्य लक्ष्मणलाल कर्णले भने । उनका अनुसार हिजो राति ८ बजेसम्म पनि समितिले सो प्रकरणका बारेमा सरोकारवाला व्यक्तिसँग बयान, छानबिन र अध्ययन गरेको थियो ।
जेठ महिनाको सीसीटीभी फुटेज माग्दा असारको दिएपछि सो प्रकरण थप रहस्य बन्दै गएको छ । समितिले जेठ महिनाको सीसीटीभी फुटेजका लागि पुनस् ताकेता गरिरहे पनि अर्थ मन्त्रालय भने अझै दिएको छैन ।
उता, समितिका सचिव सुरेन्द्र अर्यालले प्रावधिक अध्ययन सकिएपछि पूर्वअर्थमन्त्री शर्मालाई बोलाएर बयान लिने तयारी समितिले गरेको बताएका छन्।
यस प्रति तपाइको धारणा के छ ?