काठमाडौं।
आज साउनको पहिलो सोमबार । आजको दिन हिन्दु धर्म मान्नेहरुले शिव मन्दिरमा गई पूजाआजा गर्ने चलन छ ।
आज बिहानैदेखि पोखराको केदारेश्वर, नारायणस्थान,बिन्दबासीनी लगायतका देशका शिव मन्दिरहरुमा दर्शनार्थीको भिड लागेको छ । पहिलो सोमबार आज काठमाडौंको पशुपति क्षेत्रका शिवालय मन्दिरमा हजारौं भक्तजनले पूजा आराधना गरिरहेका छन् ।
साउन महिनाको सोमबारलाई भगवान शिवको प्रिय दिन मानिन्छ । आजको दिनमा महिलाहरुले विशेषगरी हरियो रंगका वस्त्र, चुरा र मेहंदी लगाएर भगवान शिवको पूजा तथा आराधना गरी ब्रत बस्ने चलन रहदै आएको छ । उक्त कार्य गर्नाले मनोकांक्षा पूरा हुने धार्मिक विश्वास छ ।
यस पटकको साउन महिनामा पाँच वटा सोमवार परेको छ । साउन महिना पाँचवटा सोमबार पर्दा धेरै शुभ र पवित्र मानिने शास्त्रमा उल्लेख छ ।
यस प्रति तपाइको धारणा के छ ?