पुतलीबजारका कृषक महिलालाई डालेघाँसका विरुवा वितरण गरिएको छ । बाख्रापालन गर्ने ७२ जना कृषकलाई डाले घाँसका विरुवा वितरण गरिएको हो ।
युएनडिपी र पुतलीबजार नगरपालिकाको साझेदारी एवं आस्क नेपालको सहजीकरणमा सञ्चालन भैरहेको अस्थाई आधारभुत आय ( टिबिआई प्रयास परियोजना अन्तरगत बाख्रापालन कार्यमा सहभागि भएका मध्ये ७२ जना कृषकलाई डाले घाँसका बिरुवा वितरण गरिएको हो ।
डिभिजन वन कार्यालय स्याङ्जा तथा सब डिभिजन वन कार्यालय पुतलीबजारको सहयोगमा राईखनियो, टाँकी, भट्टमासे, ईपिल ईपिल, कोईरालो लगायतका करिव २३०० बिरुवा बितरण गरिएको हो ।
यसले बाख्रा पालन व्यवसाय बिस्तार हुँदै गर्दा भविष्यमा आवस्यक पर्ने दिगो र पोषिलो आहारमा सहयोग पुग्ने विश्वास लिएको आपसी सहयोग केन्द्र स्याङ्जा नेपालका कार्यकारी निर्देशक हरीप्रसाद ढकालले जानकारी दिए ।
यसरी डालेघाँसका विरुवा प्राप्त गर्ने लगायत २९३ जना विपन्न महिला कृषकहरुलाई यस अघिनै बित्तीय तथा उद्यमशिलता साक्षरता, घरभेट र परामर्श, बाख्रा पालन सम्बन्धि प्राबिधिक तालिम, औजार सामाग्री सहयोग साथै छनौटमा परेका २०० जनालाई युएनडिपीबाट प्रति(परिवार २७००० रुपैँया सोझै लाभग्राहीको बैंक खातामा उपलब्ध गराईसकिएको छ ।
पुतलीबजार नगरपालिकाले २९३ जना नै विपन्न महिला घरपरिवारको १ बर्षको स्वास्थ्य विमा समेत निशुल्क गरिदिएको छ ।
यस प्रति तपाइको धारणा के छ ?