पोखरा ।
जिल्ला समन्वय समिति कास्कीका लागि नेपाली कांग्रेसले उम्मेदवारको टुन्गो लगाएको छ । कांग्रेसले दीपेन्द्र ढकाललाई जिल्ला समन्वयको प्रमुखका लागि सिफारीस गरेको हो । कांग्रेसको विधानमा समन्वयको प्रमुखको उम्मेदवार टुन्गाउने अधिकार प्रदेशलाई छ । जिल्ला समिति कास्कीले बिहिबार ढकालको नामा प्रदेश समितिलाई सिफारीस गरेको हो ।
ढकाल मादी गाउँपालिकाको वडा नम्बर १२ बाट निर्वाचित वडा सदस्य हुन् । गठबन्धनमा जिल्ला समन्वयमा माओवादीले उपप्रमुखको उम्मेदवार पठाउने सहमती भएको छ ।
उपप्रमुखममा माओवादीबाट मादी ७ की उषा थापा उम्मेदवार हुने भएकी छन् । सदस्यका लागि माछापुच्छ्रे १ का माओवादीका सुर्खबहादुर पुन उम्मेदवार हुने भएका छन् ।
कांग्रेसबाट जिससको खुला सदस्यमा मादीका ओमप्रकाश गुरुङ र अन्नपूर्णका विजय गुरुङ, दलित तथा अल्पसंख्यकतर्फ पोखरा ४ की विष्णुमाया परियार, महिला सदस्य गोमा सुवेदी, शान्ता अधिकारी र गंगा रानाभाट उम्मेदवार बनाउने भएको छ ।
कास्की जिल्ला समन्वय समितिको नेतृत्व चयनका लागि जेठ २० गते निर्वाचन हुदैँछ । मु
यस प्रति तपाइको धारणा के छ ?