एमाले कसैसँग तर्सिदैँन : विष्णु रिजाल

काठमाडौं।

नेकपा एमालेका नेता विष्णु रिजालले एमालेले कसैसँग नतर्सिने जिकिर गरेका छन् । उनले एमालेलाई हराउन गठबन्धन गरेको ५ दलीय गठबन्धन उल्टै एमालेले जित्छ कि भनेर तर्सिएको बताएका छन् ।

‘५ दलीय नेताहरु लहर लागेर हामीले हार्यौ भने केपी ओली आउँछ, एमाले आउँछ, हामी सत्यनास हुन्छौ भनेर आतंकित बनिरहेका छन्। यो चुनावमा उनीहरुको खैरियत रहने छैन भन्ने कुरा एमालेका सभाहरुले देखाइसकेको छ ।’रिजालले भने

नेता रिजालले प्रचण्डले आफ्नी छोरी जिताउनका लागि निर्लज्ज भएर काम गरिरहेको पनि आरोप लगाए । उनले भने, “प्रचण्डको महत्त्वाकांक्षा हामीले बुझ्न सकेनौं । त्यसलाई हामीले स्वीकार्नै पर्छ । प्रचण्डले चाहेको पूरा भएको भए अहिले देश के भइसक्थ्यो ? उहाँलाई आफ्नी छोरी जिताउनु छ । अरु नेताहरुलाई कसैको श्रीमती र कसैको छोरा जिताउनु छ ।

प्रचण्ड कहिले एमाले, कहिले मधेसी, कहिले कांग्रेससँग मिलिरहनुभएको छ । आफ्नी छोरीले नजिते देश दुर्घटनामा जान्छ भनिरहनुभएको छ । यो छटपटाहट हो । एमाले कसैसँग तर्सिदैन । झिँगाको श्रापले डिँगा मर्दैन ।”