पोखरा ।
नेकपा एमालेको तर्फबाट पोखराको मेयर पदका उम्मदेवार कृष्ण थापाले आफूले २५ हजार देखि ३५ हजार मतान्तरले जित्ने बताएका छन् । नेकपा एमाले पोखरा महानगर निर्वाचन परिचालन कमिटीले सोमबार पोखरामा आयोजना गरेको अगुवा कार्यकर्ता भेला एवं घोषणा पत्र सार्वजनि कार्यक्रममा उनले यस्तो बताएका हुन् ।
मेयर मानबहादुर जिसी र उपमेयर मञ्जु गुरुङको पथचापलाई पच्छ्याउँदै आफूहरुले काम गर्ने प्रतिवद्धता जनाएका उनले अहिलेकै नेतृत्वको कामका कारण र एमाले प्रति जनताको भरोसाका कारण धेरै मतान्तरले चुनाव जित्ने उनले धारणा राखे । मेयर उम्मेदवार थापाले आफूले निर्वाचित भएपछि कुनैपनि सेवासुविधा नलिने घोषणा गरे । प्राप्त हुने सेवा सुविधा गरिव जनता र विकास पूर्वाधारमा लगाउने उनको भनाई छ । त्यसैगरी उनले अब आफू पुन निर्वाचन नलड्ने पनि घोषणा गरेका छन् ।
मेयर उम्मेदवार जिसीले आफ्नो सम्पूर्ण जीवन पार्टी र जनताका लागि अर्पेको भन्दै आफ्ना काम लाग्ने अंग जति सबै दान गर्ने घोषणा गरे । ‘म निर्वाचित भएपछि कुनैपनि सेवा सुविधा लिन्न । म नेताहरुलाई साँची राखेर भन्छु । यस उप्रान्त म निर्वाचन लड्दिन र मेरो सम्पूर्ण जीवन नै राष्ट्रका लागि लगाएकाले मेरा सम्पूर्ण काम लाग्ने अंगहरु समेत दान गर्ने घोषणा गर्दछु’ उनले भने ।
यस प्रति तपाइको धारणा के छ ?