मकवानपुर ।
नेकपा एकीकृत समाजवादीको मकवानपुर अध्यक्षबाट राजीनामा दिएका श्रीधर पोखरेल नेकपा एमालेमा फर्किएका छन् । पार्टी विधि र पद्धति अनुसार नचलेको भन्दै पोखरेलले एकीकृत समाजवादी पार्टी परित्याग गरेका थिए ।
उनले बुधबार हेटौंडामा पत्रकार सम्मेलन गरि आफु साधारण सदस्यसमेत नरहने गरी पार्टी परित्यागको घोषणा गरेका थिए । एकीकृत समाजवादी छोडे लगत्तै उनि बिहिबार एमाले प्रवेश गरेका छन् । बुधबार काठमाडौंमा एमाले अध्यक्ष केपी शर्मा ओलीको प्रमुख अतिथि रहेको पार्टी प्रवेश कार्यक्रममा उनी एमालेमा प्रवेश गरेका थिए ।
केही व्यक्तिको स्वार्थ पुरा गर्न कार्यकर्ताको समस्यालाई नजर अन्दाज गर्दै प्राइभेट कम्पनीमा पार्टी रुपान्तरण गरेको आरोप लगाउँदै उनले एकीकृत समाजवादी छाडेका थिए । उनले पार्टीभित्र जबर्जस्त ढंगबाट हुर्कन खोजिएको व्यक्तिवादका कारण आफूले साधारण सदस्यसमेत नरहने गरि राजीनामा दिएको उल्लेख गरेका थिए ।
आगामी निर्वाचनमा गठबन्धनको एकीकृत समाजवादी पार्टीको तर्फबाट हेटौंडा उपमहानगरपालिकाको मेयर पदका आकांक्षी समेत रहेका पोखरेल टिकट नपाएपछि पार्टी छोडेका हुन् । हेटौंडाको मेयर पदका लागि उनको नाम सिफारिसमा पनि परेको थियो ।
यस प्रति तपाइको धारणा के छ ?