विराटनगर ।
नेकपा माओवादी केन्द्रको प्रदेश १ को पदाधिकारी चयनका लागि आज साँझ ७ बजेबाट मतदान हुने भएको छ । प्रदेश समितिको बैठकले अध्यक्ष, उपाध्यक्ष, सचिवसहितका पदाधिकारी सहमतिबाट चयन गर्न नसकेपछि प्रदेश १ मा निर्वाचन हुन लागेको हो ।
विराटनगरस्थित पार्टी कार्यालयमा हुने निर्वाचनमा पदाधिकारी चयनका लागि प्रदेश समितिका २५९ जनाले मतदान गर्नेछन् ।
माओवादी केन्द्रको प्रदेश समितिमा ९ पदाधिकारीका लागि ३० आकांक्षी रहेका छन् ।
