काठमाडौं ।
नेपाली कांग्रेसको नयाँ नेतृत्व चयनको लागि मतदान भएको आज ११ दिन पुगेको छ ।
अझै मतगणना जारी छ । सम्भवत आज बेलुकी सम्म अन्तिम मतपरिणाम आउने निर्वाचन समितिले जनाएको छ । मतगणना अन्तिम चरणमा पुगेको बताउँदै समितिले अब ३७ केन्द्रिय सदस्यको छिनोफानो हुन बाँकी रहेको बताएको छ ।
अब खसआर्य खुल्ला र महिला, जनजाति खुल्ला र महिला तथा दलित खुल्ला र महिला तर्फका केन्द्रीय सदस्यहरूको मतगणनामात्रै बाँकी छ । कांग्रेस केन्द्रीय कार्यालय सानेपामा ती सबै क्लष्टरको मतगणना भइरहेको छ ।
हालसम्म पदाधिकारीसहित ९७ जनाको परिणाम सार्वजनिक भएको छ ।१ सय ३४ पदका लागि भएको निर्वाचनमा ९७ जनाको परिणाम आउँदा सभापति शेरबहादुर देउवा पक्षले ८० प्रतिशत पदमा जित हासिल गरेको छ ।
