काठमाडौं ।
चीनमा भूकम्प परेर तीन जनाको मृत्यु भएको छ ।
सिचुवान प्रान्तको लुझउ सहरमा ६ रेक्टर स्केलको भूकम्प गएको चिनियाँ सञ्चारमाध्यमले जनाएको छ । भूकम्पमा परेर ६० जना घाईते भएका छन् ।
६० जनामध्ये तीन जनाको अवस्था गम्भीर रहेको र घाइते सबैको उपचार भइरहेको सञ्चार माध्यमले उल्लेख गरेका छन।
भूकम्पमा फसेकाहरुको उद्धारका लागि ३ हजार जना उद्धारकर्ता खटिएका छन्। आपत्कालीन उद्धार भइरहेको छ। भूकम्पका भौतिक संरचनामा क्षति पुगेको छ । लुझउ सहरमा रेल–वे सेवा समेत बन्द गरिएको छ ।
