काठमाडौं ।
नेपाली कांग्रेस १४औं महाधिवेशनमा महामन्त्री पदका उम्मेदवार गगन थापाले सभापतिका उम्मेदवार शेखर कोइरालालाई मत दिन अपिल गरेका छन् ।
संस्थापन इतरसमुहका प्रकाशमान सिंह, विमलेन्द्र निधि लगायतले देउवालाई समर्थन गर्ने भएपछि थापाले शेखरको पक्षमा भोट अपिल गरेका हुन् । थापाले ट्विट गर्दै काँग्रेसमा नेतृत्व परिवर्तन अपरिहार्य रहेकाले शेखरलाई भोट दिन आग्रह गरेका हुन् ।
उनले राजनीतिमा देखिएका अनेकन बेथितिको अन्त्य गर्न र कांग्रेस पार्टीको विधि र थिति बदल्न नेतृत्व परिवर्तन अपरिहार्य भएको बताएका छन् ।
उनले अपिलमा महाधिवेशन लगत्तै तीन तहको निर्वाचनमा होमिनुपर्ने भएको हुँदा पार्टीले एक्लै जित्ने बनाउन लाखौं मतदातालाई आकर्षित गर्न सक्नुपर्ने अवस्था रहेको र त्यसका लागि नयाँ उत्साह र जागरण आवश्यक रहेको बताएका छन् ।
‘हामीले आज त्यो उत्साहको सञ्चार गर्न सक्नैपर्छ संविधान कार्यान्वयनको सफल नेतृत्व गर्न, राजनीतिमा देखिएका अनेकन बेथितिको अन्त्य गर्न र पार्टीको विधि र थितिमा बदल्न पनि नेतृत्वमा परिवर्तन अपरिहार्य छ के अहिलेकै शैली र नेतृत्वको निरन्तरताबाट त्यो भूमिका सम्भव होला त रु हामीसँग धेरै अलमल गर्ने समय छैन, तत्काल हामीले निर्णय लिनुपर्नेछ,’अपिलमा भनिएको छ ।
आदरणीय महाधिवेशन प्रतिनिधि साथीहरू,आज इतिहासले हामीसंग असाधारण निर्णय लिन आव्ह्वान गरिरहेको छ। इतिहासको त्यो आव्ह्वान र अन्तरमनको आवाज सुनेर पार्टी रुपान्तरणको पक्षमा उभिन र डा.शेखर कोइरालालाई आफ्नो अमूल्य मत दिएर सभापति पदमा विजयी गराउन पुन: हार्दिक अपील गर्दछु। जय नेपाल! pic.twitter.com/V8VXEWDmMC
— Gagan Thapa (@thapagk) December 14, 2021
यस प्रति तपाइको धारणा के छ ?