एजेन्सी ।
अमेरिकी राज्य केन्टकीमा रातभर चलेको आँधीबाट ७० भन्दा बढि व्यक्तिको मृत्यु भएको छ ।
अमेरिकी राज्यका गर्भनर एन्डी बेशियरले राज्यको इतिहासमा सबैभन्दा नराम्रो आँधी आएको र यो संख्या बढ्दै १ सयसम्म पुग्न सक्ने चेतावनी दिएका छन्। गर्भनर बेशियरले यो आँधी विनाशकारी रहेकाले धेरैको ज्यान लिएको बताए।
खराब आँधी टोनार्डाका कारण धेरै अमेरिकी राज्यहरूमा विनाश मच्चिरहेको छ भने इलिनोइसमा रहेको अमेजन गोदाममा कामदारहरू फसेको अन्तराष्ट्रिय समाचार संस्थाहरूले जनाएका छन् ।
क्रेगहेड काउन्टीका न्यायाधीश मार्विन डेले अर्कान्सास नर्सिङ होम आंशिक रूपमा भत्किएपछि २० जना भित्र फसेको साथै १ जनाको मृत्यु समेत भएको जानकारी दिए ।
आँधीबेहरीका कारण अन्य राज्यमा पनि कम्तीमा १२ जनाको ज्यान गइसकेको छ।कन्टकीमा गभर्नरले आपत्कालीन घोषणा गरेका छन्।
दक्षिणी इलिनोइसको एडवर्ड्सभिलमा रहेको अमेजन गोदाम शुक्रबार राति आँधीबेहरीमा क्षतिग्रस्त भएको अधिकारीहरूले बताएका छन् ।
यस प्रति तपाइको धारणा के छ ?