काठमाडौं ।
नेपाली कांग्रेसका नेता कृष्णप्रसाद सिटौला समूहको बैठक आज दिउँसो बस्दै छ । आज बस्ने सिटौलानिकट नेताहरूको बैठकले पार्टीको १४औँ महाधिवेशनका विषयमा निर्णय लिने बताइएको छ । सभापति शेरबहादुर देउवा र बरिष्ठ नेता रामचन्द्र पौडेल अलग अलग प्यानल बनाएर चुनावमा जाने भए पछि सिटौला समूह कसलाई समर्थन गर्ने भन्नेमा अन्योलनमा छ ।
सिटौला समूहले महाधिवेशनमा आफैँ एकल रूपमा प्रतिस्पर्धा गर्ने वा संस्थापन र संस्थापनइतरमध्ये कुन समूहलाई सघाउने भन्ने विषयमा निर्णय लिन लागेको हो ।
यसअघि, बुधबार कांग्रेस वरिष्ठ नेता रामचन्द्र पौडेलले सिटौलालाई भेटेर आफूहरूलाई सहयोग गर्न आग्रह गरेका थिए । सिटौलाले भने सहमतिको आधार के भन्दै प्रश्न गरेका थिए ।
बुधबारै बसेको सिटौला समूहको बैठकमा सहभागी अधिकांशले सभापति शेरबहादुर देउवासित मिल्न दबाब दिएका थिए ।
यस प्रति तपाइको धारणा के छ ?