काठमाडौं ।
पर्सी बिहीबारदेखि मौसममा सुधार आउन सक्ने मौसमविद्ले आँकलन गरेका छन् ।
बंगालको खाडी र मध्य भारतमा रहेको न्यूनचापीय प्रणालीमा पश्चिमी वायु प्रणालीको प्रभाव थपिदाँ आइतबारदेखि देशभर बिग्रिएको मौसममा सुधार आउन सक्ने जल तथा मौसम पूर्वानुमान महाशाखाले जनाएको छ । दुई दिनदेखि देशभर पानी परिरहेको छ ।
पूर्वानुमान महाशाखाको अनुसार पर्सिदेखि क्रमिक मौसममा क्रमिक सुधार आउँछ भने आज र भोली देशका धेरै स्थानमा मौसम अवस्था अहिलेको जस्तै रहनेछ ।
पछिल्लो दुई दिनमा बंगालको खाडीबाट खाएको यो प्रणालीले बाढी पहिरो निम्त्याएको छ । सुदूरपश्चिम प्रदेशमा भारी वर्षा भएको छ भने बाढीले बस्ती डुबानमा परेका छन् । झण्डै ७० स्थानीय बाढीमा फसेका छन् उनीहरु उद्धारको पर्खाइमा छन् । उद्धारका लागि गएको हेलिकप्टर खराब मौसमको कारण धनगढी विमानस्थलमा रोकिएको छ ।
वर्षाका कारण सेती, महाकालीलगायतका नदीमा बाढी आएको छ भने नदीले कटानसमेत गरेको छ ।मनसुनपछि पनि केही स्थानमा आरीघोप्टे वर्षा भएको छ ।
हिमाली क्षेत्रमा हिमपातसमेत भएको छ । बाक्लो हिमपातको सम्भावना भएकाले पदयात्रा नगर्न मौसमविद्हरुले सुझाएका छन् ।
यस प्रति तपाइको धारणा के छ ?