काठमाडौं ।
नेपाल क्रिकेट संघ (क्यान) ले राष्ट्रिय पुरुष क्रिकेट टोलीको मुख्य प्रशिक्षकको लागि दरखास्त आह्वान गरेको छ। क्यानले सोमबार मुख्य प्रशिक्षकको लागि दरखास्त आह्वान गरेको हो ।
इच्छुक र योग्य व्यक्तिले आफ्नो बायो डाटा र पदका लागि इछ्याएको कारण खुलाउँदै अक्टोबर ३१ सम्म दरखास्त दिन सक्ने क्यानले जनाएको छ। नेपाली टोलीका मुख्य प्रशिक्षक डेव वाटमोरले राजीनामा दिएपछि नेपाली टोली मुख्य प्रशिक्षकविहीन छ ।
ओमानमा भएको आईसीसी विश्वकप क्रिकेट लिग(२ को त्रिकोणात्मक एकदिवसीय शृंखलापछि वाटमोरले नेपाली टोली छाडेका थिए । ६७ वर्षीय वाटमोर खुला प्रतिस्पर्धाबाट नै मुख्य प्रशिक्षक नियुक्त भएका थिए । उनले व्यक्तिगत कारण देखाउँदै आठ महिना नबित्दै राजीनामा दिएका थिए ।
यस प्रति तपाइको धारणा के छ ?