नेकपा माओवादी केन्द्रका अध्यक्ष पुष्पकमल दाहाल प्रचण्डले आफूबाट गल्ती भएको भन्दै आत्म आलोचना गरेका छन् ।
प्रचण्डले ३२औं जनआन्दोलन दिवसमा रुकुम पुगेर अब त्यस्तो गल्ती नगर्ने समेत प्रतिवद्धता जनाए । उनले भने, ‘अब म त्यस्तो गर्दिनँ । म हिजो युद्धमा इमान्दारिताकासाथ लागेका जनता र कार्यकर्तालाई नै अगाडि बढाउन संकल्प गर्न चाहन्छु ।’
आफूलाई बम प्रहार गर्नेलाई नै गृहमन्त्री बनाएर गम्भीर गल्ती गरेको उनले बताए । प्रचण्डले झण्डै ज्यान जाने गरी आफूलाई बम प्रहार गर्नेलाई गृहमन्त्री बनाएर गरेको गल्तीप्रति आत्मालोचना गर्ने बताए ।
प्रचण्डले बादलसहित माओवादी केन्द्र छाड्ने नेताहरुप्रति संकेत गर्दै बिकाऊ मालको संज्ञा दिए । उनले भने,‘उनीहरु बिकाऊ माल सावित भए ।’ पार्टी फुटाउनेलाई मौका दिएको र इमान्दारलाई पदोन्नती गर्नुपर्नेमा नगरेर गल्ती गरेको बताए । उनले भने,‘ पार्टी फुटाउनेलाई मौका दिएँ ।
इमान्दारलाई पार्टीमा पदोन्नति गर्नुपर्ने, प्राथमिकता गर्नुपर्नेमा गल्ती गरेँ । म आज आत्मालोचना गर्छु । अब त्यस्तो गदिनँ ।’
प्रचण्ड अब कमजोर भए भन्न थालेको बेला रुकमका जनताबाट आफूले उर्जा पाएको उनले सुनाए ।
उनले अघि भने, ‘मसँग मेरो पार्टी छ, नेता कार्यकर्ता छन् र क्रान्तिकारी जनताको कहिल्यै नटुंगिने साथ छ । सिंहदरबारमा बसेर प्रतिगमन गर्न चाहने सरकारलाई म खबरदार भन्न चाहन्छु ।’
प्रतिक्रिया लेख्नुहोस् :