काठमाडौं ।
नेकपा एमालेको माधवकुमार नेपाल पक्षले केन्द्रीय समिति बैठक बोलाएको छ ।
नेपाल पक्षले शुक्रवार बिहान ११ बजेका लागि बैठक बोलाइएको हो । नेपाल पक्षले शुक्रवार बिहान ११ बजेका लागि बैठक बोलाइएको हो । अदालतको निर्णय पछि एमाले अध्यक्ष केपी शर्मा ओली र वरिष्ठ नेता नेपाल पक्ष दुई समूहमा विभाजीत हुदै समानान्तर गतिबिधि गरिरहेका छन् ।
नेपाल समूहका नेता युवराज ज्ञवालीले बैठक बस्न लागेको जानकारी दिए । विकसीत राजनीतिक अवस्थामा कसरी अघि बढ्ने भन्ने विषयमा छलफल हुने ज्ञवालीले बताए ।
फागुन २८ गते अध्यक्ष ओलीले गरेका निर्णय विधान विपरित भएको भन्दै नेपाल पक्षले उक्त निर्णय फिर्ता हुनेपर्ने र पार्टी पुरानै अधिवेशन पछिको अवस्थामा पुग्नुपर्ने अडान लिएको छ । अध्यक्ष ओली भने पार्टीको निर्णय विपरित जानेलाई कारवाही गर्ने चेतावनी दिएका छन् ।
ओली समूहको केन्द्रीय समिति बैठकले वरिष्ठ नेता नेपालसहित चार जना नेताहरुलाई पार्टी हितविपरीत गतिविधि गरेको भन्दै स्पष्टीकरण सोधेको अवस्थामा बैठको आयोजना गरिएको छ । स्पष्टीकरणको प्रतिप्रश्न गर्दै जवाफ दिने तयारीमा नेताहरु जुटेका छन् ।
प्रतिक्रिया लेख्नुहोस् :