पोखरा ।
गण्डकी प्रदेश लोकसेवा आयोगका नव नियुक्त पदाधिकारीले पद तथा गोपनीयताको शपथ लिएका छन् ।
प्रदेश प्रमुखको कार्यालयमा आयोजित शपथ ग्रहण कार्यक्रममा प्रदेश लोकसेवा आयोगका अध्यक्षमा बिष्णुप्रसाद नेपाल र सदस्यमा कल्पना लम्सालले सपथ लिएका हुन् ।
उच्च अदालत पोखराका मुख्यन्यायाधीश रमेश पोखरेलले एक कार्यक्रमका बीच आयोगका अध्यक्ष नेपाललाई सपथ दिलाएका हुन्। भने अध्यक्ष नेपालले सदस्य लम्साललाई सपथ खुवाएका थिए ।
मन्त्रीपरिषद्को सिफारीसमा प्रदेश प्रमुख अमिक शेरचनले आयोगको अध्यक्षमा नेपाल र र सदस्यमा लम्साललाई नियुक्ती गरेका थिए ।
गण्डकी प्रदेश स्याङजा, निवासी नेपालले गण्डकी प्रदेश सरकारको प्रमुख सचिवको जिम्मेवारीबाट १ चैतमा अवकास पाएका थिए । भने तनहँकी लम्साल आदिकवि भानुभक्त क्याम्पसकी सहायक क्याम्पस प्रमुख हुन् ।
मुख्यमन्त्री अध्यक्ष र प्रमुख प्रतिपक्ष दलका नेता तथा सभामुख सदस्य रहेको समितिले आयोग अध्यक्षमा र सदस्यमा सिफारिस गरेको थियो ।
प्रदेश लोकसेवा गठन गर्दा अध्यक्ष र एक महिलासहित बढीमा तीन सदस्य हुनुपर्ने प्रावधान छ । अझै एक जना सिफारिस हुन बाँकी छ । आयोगका अध्यक्ष र सदस्यको पदावधि नियुक्ति भएको मितिले ६ वर्ष हुनेछ ।
प्रतिक्रिया लेख्नुहोस् :