प्याराग्लाइडिङ दुर्घटनामा घाइते सैनिक जवानको मृत्यु

पोखरा ।
प्याराग्लाइडिङ प्रशिक्षणका क्रममा दुर्घटनामा परी घाइते भएका नेपाली सेनाका एक जवानको मृत्यु भएको छ ।

सेनाले पोखरामा सञ्चालन गरिरहेको प्याराग्लाइडिङ तालिमका क्रममा सोमबार दिउँसो २ बजे प्याराग्लाईडर दुर्घटनामा परेका थिए ।

धादिङ नीलकण्ठ नगरपालिका घर भएका २३ वर्षीय राजाराम मगरको उपचारका क्रममा मृत्यु भएको हो ।

फेवातालमा खसेका मगरलाई उद्धार गरि सैनिक अस्पताल पोखरामा उपचराका लागि लगिएकोमा सोही दिन बेलुका उनको मृत्यु भएको जिल्ला प्रहरी कार्यालय कास्कीले जनाएको छ ।