संसद बैठक सुरु हुन पहिले सभामुखसंग प्रचण्ड–मावध समूहको छलफल

काठमाडौं ।
संसद बैठक हुनु पहिले नेकपा प्रचण्ड–माधव समूहले सभामुख अग्नि प्रसाद सापकोटासँगको परामर्शमा गरेको छ । उक्त समूहका संसदीय दलका नेता दवप्रसाद गुरुङ, सुरेन्द्र पाण्डे लगायतका नेता परामर्शको लागि सभामुखको कार्यकक्षमा पुगेका थिए ।

सभामुखलाई भेट्नु पहिले प्रमुख सचेतक देव गुरुङको कार्यकक्षमा अध्यक्षद्वय प्रचण्ड र माधव कुमार नेपाल तथा वरिष्ठ नेता झलनाथ खनाल, नारायणकाजी श्रेष्ठ, देव गुरुङ र सुरेन्द्र पाण्डे लगायतका नेताहरुबीच छलफल भएको थियो ।

संसद्को बैठक आज अपरान्ह ४ बजे बस्दैछ । सभामुखले नेकपाको संसदीय दलको नेता कसलाई मान्यता दिने हुन भन्नेमा अझै अन्योल छ।

दाहाल–नेपाल प्रधानमन्त्री केपी शर्मा ओलीले नैतिकताको आधारमा राजीनामा नगरे अविश्वास प्रस्ताव अघि बढाउने बताएको नेकपा प्रचण्ड–माधव पक्ष अझै निर्णयमा पुगेको छैन ।