काठमाडौं ।
संसदीय समितिले पोखरा क्षेत्रीय अन्तर्राष्ट्रिय विमानस्थल नजिक रहेको रिठेपानी डाँडा ६ महिनाभित्र कटान गर्न सरकारलाई निर्देशन दिएको छ ।
राष्ट्रिय सभा अन्तर्गतको दिगो विकास तथा सुशासन समितिको बिहीवारको बैठकले डाँडा कटान गर्न निर्देशन दिएको हो ।
पोखरा क्षेत्रीय अन्तर्राष्ट्रिय विमानस्थलको स्थलगत अनुगमन तथा अवलोकनको क्रममा देखिएका समस्याहरूको सम्बन्धमा सरोकारवालाहरूसँग छलफल गरेपछि समितिले सरकारलाई उक्त निर्देशन दिएको हो । विमानस्थलको पूर्वमा रहेको रिठेपानी डाँडा कटान ६ महिनाभित्र सम्पन्न गर्न संस्कृति, पर्यटन तथा नागरिक उड्डयन समितिले मन्त्रालयलाई निर्देशन दिएको हो ।
सभापति भट्टले डाँडा कटान भएको प्रगति विवरण समितिमा पेस गर्न समेत मन्त्रालयलाई निर्देशन दिएकी छन् ।
‘नेपाल आयल निगमको डिपो पोखरा अन्तर्राष्ट्रिय विमानस्थलमा ६ महिनाभित्र काम सम्पन्न गरि जानकारी दिन र पोखरा महानगरपालिकाको ल्याण्डफिल्ड साइट सार्ने सम्बन्धमा समितिले महानगरपालिकासँग छलफल गर्ने निर्णय समेत गरेको छ ।
रिठेपानी डाँडा कटान, ल्याण्डफिड साइट र पेट्रोल पम्प स्थापना प्रकृया अगाडी नबढ्दा राष्ट्रिय गौरवको आयोजना पोखरा क्षेत्रीय अन्तराष्ट्रिय विमनस्थलको काम प्रभावित भएको छ ।
प्रतिक्रिया लेख्नुहोस् :