प्रधानमन्त्री ओलीले बोलाए स्थायी समिति बैठक

काठमाडौं ।
नेकपा केपी ओली समूहले स्थायी समिति बैठक बोलाएको छ ।

×

बैठक प्रधानमन्त्री निवास बालुवाटारमा ११ बजे बस्ने छ । सर्वोच्च अदालतले प्रतिनिधिसभा विघटन गर्ने सरकारको असंवैधानिक निर्णयलाई बदर गरेपछि उत्पन्न राजनीतिक अवस्थाबारे छलफल गर्न ओली समूहले स्थायी समिति सदस्यहरुको बैठक बोलाएको हो ।

तत्काल राजीनामा नगर्ने बताएको ओलीले अबको रणनीति बनाउन छलफललाई बढाएका छन् । फैसला भएको १३ दिनभित्र संसद्को बैठक बोलाउन अदालतले आदेश दिएको छ ।

ओली पक्षमा साविकको नेकपाका ४४ मध्ये १६ जना स्थायी समिति सदस्यहरु छन् ।