संविधानको रक्षा भयो, लोकतन्त्रले जित्यो : पूर्वराष्ट्रपति यादव

काठमाडौं ।
पूर्वराष्ट्रपति रामवरण यादवले सर्वोच्च अदालतको फैसलाले संविधानको रक्षा गरेको प्रतिक्रिया दिएका छन् ।

प्रतिनिधिसभा विघटनको निर्णय बदर गर्ने सर्वोच्चको फैसलाले लोकतन्त्र र कानुनी शासनको जीत भएको बताए ।सर्वोच्चको फैसलाले संविधानको रक्षा गरेको छ, यसलाई मैले लोकतन्त्र र कानूनी शासनको जीतका रुपमा लिएको छु ,पूर्वराष्ट्रपति यादवले भने ।

अब मुलुक ट्रयाकमा आउने र संसदबाटै सबै समस्याको हल हुने विश्वास व्यक्त गदै यादवले देशको सबै समस्या संसदबाट गर्नुपर्ने बताए। अब सबै समस्याको समाधान हाउसबाटै हुनुपर्छ ।

यो फैसलाले न्यायालयप्रतिको जनविश्वास बढेको बताउदै यादवले दुईवटा संस्थाले संविधानको रक्षा गर्न सकेनन्, एउटालाई त विघटन नै गरिएको थियो । यो हामी सबैका लागि खुसीको कुरा हो । सबैले स्वागत गरौँ ।