काठमाडौं ।
प्रधानमन्त्री केपी शर्मा ओलीले तत्काल राजीनामा नदिने भएका छन् ।
प्रधानमन्त्रीका प्रेस सल्लाहकार सूर्य थापाले प्रधानमन्त्रीले पछिल्लो घटनाक्रमका कारण तत्काल राजीनामा नदिने जानकारी दिए ।
प्रतिनिधिसभा विघटनको निर्णय गरेका ओलीकोविरुद्धमा सर्वोच्चको फैसला आए पछि प्रधानमन्त्री राजनीतिक संकटमा छन् ।
पछिल्ला राजनीतिक घटनाक्रमले उनलाई राजीनामा दिने या संसदको सामना गर्ने दुई विकल्प छन् ।
सल्लाहकार थापाले फेसबुक स्टाटस लेख्दै सर्वोच्च अदालतको फैसला विवादास्पद रहेको तर स्वीकार गर्नुपर्ने भन्दै प्रधानमन्त्रीले प्रतिनिधिसभाको सामना गर्ने बताएका छन् ।
थापाको फेसबुक स्टाटस यस्तो छ
सर्वाेच्च अदालतले गरेकाे फैसला विवादास्पद छ, तर मान्नुपर्छ । र, कार्यान्वयन गर्नुपर्छ । यसका दुष्प्रभावहरू भविष्यमा देखिदैं जाने निश्चित छ । यसबाट राजनीतिक समस्याहरूकाे कुनै हल हुने अवस्था पनि छैन ।बरू अस्थिरता अझै बढ्ने छ । सत्ताकाे खेल बढ्नेछ । प्रधानमन्त्रीले प्रतिनिधिसभाकाे सामना गरेर नै फैसला कार्यान्वयन गर्नुहुन्छ । तत्काल राजीनामा दिनुहुने छैन ।
×
![]()
प्रतिक्रिया लेख्नुहोस् :