काठमाडौं ।
सर्वोच्च अदालतले प्रतिनिधिसभा विघटन गर्ने सरकारको निर्णयलाई असंवैधानिक ठहर गर्दै संसद् पुनर्स्थापना गर्ने आदेश दिएपछि अब के हुन्छ भन्ने जिज्ञासा सबैतिर देखिएको छ।
यसै बिच नेकपा अध्यक्ष पुष्पकमल दाहाल प्रचण्डले भोलीको राजनीतिक अवस्था वारे अन्य दलसंग छलफल गरेर अगाडी बढ्ने बताएका छन् । बीबीसी नेपाली सेवासंग कुरा गदै प्रचण्डले अहिले प्रधानमन्त्रीको वारेमा ओपन रहेको प्रतिक्रिया दिए ।
हाम्रो प्राथमिकता प्रधानमन्त्री पनि हैन, प्रधानमन्त्री हुनका लागि आन्दोलन पनि हैन भनेर मैले पहिल्यै भनेको थिए । त्यसकारण भोली हामी नेपाली कांगेस, जनता समाजवादी र अन्य पार्टीसग छलफल गरेर समझदारी गरेर अगाडी बढ्छौ, उनले भने ।
राष्ट्रिय सहमती बनाउने तिर मेरो जोड हुन्छ, राष्ट्रिय सहमतीबाट अगाडी नगईकन यो देशले शान्ति, स्थिरता र प्रगती नपाउने देखिसक्यो मैले प्रधानमन्त्रीमा दाबी भनेर म गर्दीन, सबै राजनीतिक दलहरुको सहमतीबाट जे हुन्छ त्यही हुन्छ, प्रचण्डले भने ।
अन्य राजनीतिक दलसंग पनि आज छलफल भयो, भोली काठमाडौं गएर जसरी देश र जनताको हित हुन्छ, राष्ट्रिय सहमती बन्छ त्यसरी नै हामी अगाडी बढ्छौँ ।
केपी ओलीसंग मिलेर जानसक्ने वारे सोधिएको प्रश्नमा प्रचण्डले भने, पार्टी विभाजन केपी जीले गर्नु भयो, केपी शर्मा ओली कसरी आउनुहुन्छ त्यो हेर्नुपर्छ तर एउटै पार्टी हुने सभवना छैन, एउटै पार्टी हुने सम्भावना म देख्दीन ।
उहाँसंग सम्वादै नगर्ने संवादै हुन नसक्ने भन्ने हुदैन । तत्काल उहाँसंग मिलेर सरकार बनाउने सम्भावना छैन, प्रचण्डले भने । राष्ट्रपति हटाउने तिर आफुहरु नलाग्ने प्रचण्डले स्पष्ट पादै भने, आज जनताको जित भएको छ , बधाई पनि दिन चाहन्छु ।
प्रतिक्रिया लेख्नुहोस् :