स्वास्थ्य उपचारका लागि पूर्वप्रधानमन्त्री भट्टराई दिल्ली प्रस्थान

काठमाडौं ।
पूर्व प्रधानमन्त्री तथा जनता समाजवादी पार्टी संघिय परिषद् अध्यक्ष डा. बाबुराम भट्टराई उपचारका लागि भारत प्रस्थान गरेका छन् ।

×

भट्टराई नेपाल वायुसेवा निगमको विमानबाट श्रीमती सहित भारतको नयाँ दिल्ली प्रस्थान गरेका हुन् ।

भट्टराईको सचिवालयका अनुसार दिल्लीस्थित इन्स्टिच्युट अफ लिभर एण्ड बिलिअरी साइन्सेस मा स्वास्थ्य परिक्षण हुनेछ । स्वास्थ्यमा समस्या आए पछि भट्टराईले केही समयदेखि काठमाडौंको निदान अस्पतालमा उपचार गरइरहेका थिए ।

उनको पेटमा समस्या दिएको बताइएको छ । चिकित्सकहरुले न्यूरो–इन्डोक्राइनको ट्युमर भएको आशंका गरी उपचारका लागि दिल्ली जान सुझाएकाले भारतमा उपचारका लागि जान लागिएको भट्टराईको सचिवालयले जनाएको छ ।