कालिकोट । कालीकाेटकाे नरहरिनाथ गाउँपालिका वडा नं ९, लालुबाट ठूलाे परिमाणमा खरखजानासहित विप्लव समुहका २ जना कार्यकर्ता प्रहरीले पक्राउ गरेको छ ।
प्रहरी निरिक्षक तथा अप्रेसन अफिसर विक्रम शाही र सशस्त्रका सहायक प्रहरी निरिक्षक दिपेन्द्र सेट्टीकाे नेतृत्वमा खटिएको टाेलीले लुकाई छिपाई राखेको विष्फाेटक पदार्थसहित दुई जनालाई पक्राउ गरेको हाे ।
उनीहरूको साथबाट अर्धनिर्मित काठको एक थान बन्दुक, प्रेसर कुकर बम, तार, डेटोनेटर, पटाका, बम बनाउने सकेट, ब्याट्री चार्जर, सेफ्टी फ्युज, गन्धक, सोडा, निप्पो लाइट लोला, वायर कटर, टेलिफोन तार र केप बनाउन प्रयोग गरिने आल्मुनियम लगायतका विस्फोटक पदार्थ प्रहरीले नियन्त्रणमा लिएको छ ।
उक्त विष्फोटक पदार्थ दुर्गबहादुर बोहोराको घरमा लुकाइछिपाइ राखेको अवस्थामा बरामद गरिएको डीएसपी शाहले बताए ।
चन्द समूहविरुद्धको विशेष अपरेसनका क्रममा प्रहरीले उनीहरूलाई आइतबार साँझ पक्राउ गरेपनि सोमबार सार्वजनिक गरेको हो ।
Discussion about this post