पोखरा ।
नेपाली कांग्रेसका बरिष्ठ नेता रामचन्द्र पौडेलले तत्कालीन स्वार्थलाई हेरेर कांग्रेस मन्त्री पद खान नजाने बताएका छन् ।
४५ औं राष्ट्रिय एकता तथा मेलमिलाप दिवसका अवसरमा पोखरामा आयोजित प्रवचन कार्यक्रममा पौडेलले लोकतन्त्रको मुल्य, संविधानको मुल्य र ७० वर्ष लडेर ल्याएको मुल्यमा हामी मन्त्री, सांसद बन्न चाहदैनौं ।
हामी केवल सांसदमात्र बन्न चाहन्नौं, यो संघिय लोकतन्त्रान्त्रीक गणतन्त्र सहितको सांसद मन्त्री बन्न चाहन्छौं । अहिले लोकतन्त्रन्त्रीक गणतन्त्रमाथी आक्रमण भएको छ ।
संविधान र लोकतन्त्रलाई बचाए हामी चुनाव लड्न चाहन्छौ । यो प्रतिनिधिसभाको पुनस्थापन आजको आवश्यकता हो । प्रतिनिधिसभा पुनस्थापनाबाट नै नेपाललाई बिग्रह र शक्तिकेन्द्रको अखडा र द्धन्दको भूमरीमा फस्नबाट बचाउछ ।
यो भूमरीबाट बचाउन प्रतिनिध सभा पुनस्थापना हुनुपर्नेमा पौडेलले जोड दिए ।
चुनाव गर्ने यीनको मनसाय पनि छैन, चुनाव हुने परिस्थिति पनि छैन, त्यो अवस्थामा चुनाव नहुने अनी केपी ओलीले जनताका प्रतिनिधिलाई सडकमा फाल्देर म शाशक हु भन्ने कस्ले देख्न चाहन्छ ।
प्रनितिधिसभा पुनस्थापनामा कांग्रेसले जोड दिनुपर्ने पौडेलले बताए । प्रतिनिधि सभा विघटन पनि हुने, अदालतले फिर्ता पनि नगरिदिने चुनाव पनि नहुने भने भोली के हुन्छ । त्यस्तो भए संघर्षमा जान्छौैं ।
केपी ओली चुनाव नगरेर नेपालमा बस्न सक्छन भन्ने सभापति शेरबहादुर देउवाको भनाई स्मरण गदै पौडेलले चुनाव नगरेर केपी ओली बस्न नसक्ने परिस्थिति जुन बेला आधिवेहेरी आउला उनलाई बगाउने आधिवेहरी तपाईलाई पनि बगायो भने के गर्ने ।
यो कुरा आफुले केन्द्रीय कमिटिमा उठाएको पौडेलले बताए । आधिवेहेरी आउनै पर्ने छ, अहिलेनै यसलाई बचाउन पर्यो पौडेलले भने ।
Discussion about this post